Шарт-оферта

Конференцияға қатысу туралы жария оферта шарты және дербес деректерді жинауға және өңдеуге келісім

Астана қ.

БСН 151040018391, заңды мекенжайы: 010000, Қазақстан Республикасы, Астана қаласы, Тұран даңғылы, 32, e-mail: umc@umc.org.kz болатын «University Medical Center» корпоративтік қоры, бұдан әрі – «Ұйымдастырушы», конференцияға қатысушы жеке тұлғаларға (бұдан әрі – «Қатысушы») төменде көрсетілген талаптармен осы Конференцияға қатысу туралы жария оферта шартын және дербес деректерді жинауға және өңдеуге келісімді жасасуды ұсынады.

Қазақстан Республикасы Азаматтық кодексінің 395-бабының 5-тармағына сәйкес, осы жария оферта – шарттың барлық елеулі талаптарын қамтитын және ұсынысты жасаушы тұлғаның осы ұсынысқа үн қатқан кез келген тұлғамен көрсетілген талаптар бойынша шарт жасасуға ерік білдіруін білдіретін, тұлғалардың белгісіз тобына арналған шарт жасасу туралы ұсыныс болып табылады. Шарт жасасуға ниет білдірген тұлғалар осы жария офертаны акцептеу арқылы оған қосылады. Осы Шартты акцептеу Қатысушының жария офертаның барлық талаптарымен толық келісетінін білдіреді және осы сәттен бастап шарт жасалған болып есептеледі. Осыған байланысты, осы жария офертаның мәтінімен мұқият танысып шығуыңызды сұраймыз. Егер оның қандай да бір талаптарымен келіспесеңіз, оны акцептеуден бас тартуыңыз қажет.

1. Жалпы ережелер

1.1. Осы жария оферта Қатысушыларды тіркеу, Конференцияға қатысу және олардың дербес деректерін өңдеу тәртібін реттейді.

1.2. Дербес деректер деп Қатысушыны сәйкестендіруге мүмкіндік беретін кез келген ақпарат, оның ішінде тегі, аты, әкесінің аты, туған күні, байланыс деректері, Конференцияға тіркелу және қатысу үшін қажетті мәліметтер, сондай-ақ қатысу ақысын төлеуге қатысты ақпарат түсініледі.

2. Шарттың мәні

2.1. Қатысушы Конференцияға тіркелу кезінде осы жария офертаның талаптарын қабылдау арқылы өзінің дербес деректерін жинауға және өңдеуге келісім береді, оның ішінде дербес деректерді жинауға, өңдеуге, сақтауға, пайдалануға, Қазақстан Республикасының заңнамасында көзделген жағдайларда таратуға, төлем ұйымдарына беруге, сондай-ақ жоюға келісім береді.

2.2. Дербес деректерді өңдеу тіркеуді жүзеге асыруға, Қатысушыларды хабардар етуге, есепке алуға, төлемдерді өңдеуге және Конференция барысында қауіпсіздікті қамтамасыз етуге қажетті әрекеттерді қамтиды.

2.3. Ұйымдастырушы төлемді алғаннан кейін Қатысушыға Конференцияға қатысуды ұйымдастыру қызметін көрсетуге міндеттенеді.

3. Дербес деректерді өңдеу мақсаттары

3.1. Дербес деректер мынадай мақсаттарда өңделеді:

  • қатысушыларды тіркеу және есепке алу;
  • іс-шараны ұйымдастыру;
  • Қатысушыны конференция және оған қатысты мәселелер туралы хабардар ету;
  • қауіпсіздікті және медициналық көмекті қамтамасыз ету;
  • қатысу ақысын өңдеу және төлемді растау;
  • Қазақстан Республикасы заңнамасының талаптарын орындау.

4. Төлемдер

4.1. Қатысушы Конференцияға қатысу ақысын Ұйымдастырушы белгілеген төлем жүйелері арқылы онлайн төлейді.

4.2. Ұйымдастырушы Қатысушының банк картасының деректерін сақтамайды. Төлемдерді өңдеу төлем операторлары арқылы олардың қағидаларына және қолданыстағы заңнамаға сәйкес жүзеге асырылады.

4.3. Төлемнің сәтті жүзеге асырылуы және Ұйымдастырушының растауы шарттың жасалғанын және Қатысушының Конференцияға тіркелгенін растайды.

5. Тараптардың құқықтары мен міндеттері

5.1. Ұйымдастырушы төлемге қатысты деректерді қоса алғанда, дербес деректердің қорғалуын және құпиялылығын қамтамасыз етуге міндеттенеді.

5.2. Қатысушының:

  • дербес деректерді өңдеу тәртібі туралы ақпарат алуға;
  • дербес деректерді өңдеуге берген келісімін кері қайтарып алуға (бұл Конференцияға қатысу мүмкіндігінің болмауына әкелуі мүмкін) құқығы бар.

5.3. Ұйымдастырушы төлем жасалмаған немесе дербес деректерді өңдеуге берілген келісім кері қайтарылған жағдайда Қатысушының Конференцияға қатысуына бас тартуға құқылы.

6. Шарттың қолданылу мерзімі

6.1. Осы Шарт Қатысушы жария офертаның талаптарын қабылдаған сәттен бастап күшіне енеді және дербес деректерді өңдеу аяқталғанға әрі Ұйымдастырушы өз міндеттемелерін толық орындағанға дейін қолданылады.

6.2. Дербес деректерді сақтау мерзімдері Қазақстан Республикасының заңнамасына сәйкес белгіленеді.

7. Қорытынды ережелер

7.1. Осы жария офертаны қабылдау Қатысушының тіркелуді рәсімдеуді және қатысу ақысын төлеуді қоса алғанда, осы офертаның барлық талаптарын толық әрі сөзсіз қабылдағанын білдіреді.

7.2. Осы Шартқа байланысты туындайтын барлық даулар Қазақстан Республикасының қолданыстағы заңнамасына сәйкес шешіледі.